**DWEUD EICH DWEUD YN EIN DIGWYDDIADAU CYHOEDDUS – fwy o fanylion yma**

Cafodd y Comisiwn ar Ddatganoli yng Nghymru ei lansio gan Ysgrifennydd Cymru, Cheryl Gillan, ar 11 Hydref 2011.  Dan gadeiryddiaeth Paul Silk, mae gan y Comisiwn wyth aelod di-dal wedi’i tynnu o fyd busnes Cymru, y byd academaidd, y pedair prif blaid wleidyddol a chymdeithas ddinesig.

Sefydlwyd y Comisiwn annibynnol i adolygu’r trefniadau ariannol a chyfansoddiadol presennol yng Nghymru. Bydd yn gwneud ei waith mewn dwy ran.

Cyhoeddodd y Comisiwn ei adroddiad (a Chrynodeb Gweithredol) ar Ran I, a oedd yn edrych ar bwerau cyllidol, dydd Llun 19 Tachwedd 2012.

Erbyn hyn, mae’r Comisiwn wedi dechrau gweithio ar Ran II ei gylch gwaith, sef adolygu pwerau Cynulliad Cenedlaethol Cymru. Cyhoeddodd ei Alwad am Dystiolaeth ar Ran II ar  29 Tachwedd 2012 ac mae am glywed barn cynifer o bobl â phosib ledled Cymru a thu hwnt. 

Dros y misoedd nesaf, bydd modd ymgysylltu â’r Comisiwn mewn sawl ffordd, gan gynnwys holiadur ar-lein, digwyddiadau cyhoeddus a thrafodaethau ar-lein.  Bydd rhagor o wybodaeth yn ymddangos ar y wefan hon maes o law.

Bydd y Comisiwn yn cyhoeddi ei adroddiad ar Ran II yng ngwanwyn 2014.