Comisiwn ar Ddatganoli yng Nghymru

Heddiw [dydd Mercher 25 Gorffennaf] ymwelodd aelodau’r Comisiwn ar Ddatganoli yng Nghymru un o sioeau amaethyddol mwyaf Ewrop, Sioe Frenhinol Cymru yn Llanelwedd.

Cyfarfu’r Cadeirydd Paul Silk a’r Comisiynydd Dyfrig John ag Undeb Amaethwyr Cymru ac Undeb Cenedlaethol yr Amaethwyr Cymru i drafod a allai datganoli pwerau trethu a benthyca helpu cymunedau ffermio Cymru.  Roedd y cyfarfodydd yn gyfle hefyd i roi’r wybodaeth ddiweddaraf i’r ddau sefydliad am waith y Comisiwn hyd yma.

Dywedodd Paul Silk ar ôl yr ymweliad:  “Roedd yn wych cwrdd ag Undeb Amaethwyr Cymru ac Undeb Cenedlaethol yr Amaethwyr Cymru heddiw er mwyn rhoi’r wybodaeth ddiweddaraf iddynt am ein gwaith ac i drafod a allai pwerau trethu a benthyca helpu cymunedau ffermio Cymru. Roedd cyfarfodydd heddiw yn fuddiol dros ben a bydd y Comisiwn yn ystyried y safbwyntiau hyn wrth i ni ddechrau ystyried ein casgliadau.

“Y Sioe Frenhinol yw uchafbwynt calendr amaethyddol Cymru ac mae’n gyfle unigryw i siarad ag amrywiol bobl o gymunedau ffermio Cymru. Mae’r Comisiwn yn ymwybodol iawn bod angen sicrhau y bydd ein hargymhellion er budd pob rhan o Gymru gan gynnwys y Gymru wledig.  Mae’r sioe yn tynnu sylw at bwysigrwydd yr economi wledig, nid dim ond i economi Cymru ond i’r DU gyfan, a bob blwyddyn mae’n denu miloedd o ymwelwyr i ddathlu’r gorau o blith amaethyddiaeth a chynnyrch Cymru.  A’r tywydd da wedi’n cyrraedd, rwy’n siŵr y bydd y sioe eleni yn llwyddiant arall eto.”

Nodiadau 

Mae dros 200,000 o ymwelwyr yn dod i Sioe Frenhinol Cymru yn Llanelwedd, bob blwyddyn.  Eleni, cynhelir y sioe rhwng 23 a 26 Gorffennaf.

I gael rhagor o wybodaeth y Comisiwn ar Ddatganoli yng Nghymru:  http://commissionondevolutioninwales.independent.gov.uk.

I gael rhagor o wybodaeth am Sioe Amaethyddol Frenhinol Cymru:  http://www.rwas.co.uk/en/welsh-show/